26/27
EDIZIOA

INFORMAZIO OROKORRA

TITULUA

Euskal Herriko Unibertsitateko (EHU) berezko Titulua.

Iakaskuntza-karga

15 ECTS dituen irakaskuntza-karga.

datak

Aurrez aurreko saioak (behin-behineko datak).

1. aurrez aurreko saioa | 2026ko urriaren 23a, ostirala eta urriaren 24a, larunbata

2. aurrez aurreko saioa | 2027ko urtarrilaren 22a, ostirala, eta urtarrilaren 23a, larunbata

3. aurrez aurreko saioa | 2027ko martxoaren 12a, ostirala, eta martxoaren 13a, larunbata

4. aurrez aurreko saioa | 2027ko maiatzaren 28a, ostirala, eta maiatzaren 29a, larunbata.

HIZKUNTZA

Ikastaroa nagusiki gaztelaniaz emango da, baina euskarak ere presentzia izango du.

Materialak eta komunikazioa gaztelaniaz eta euskaraz egingo dira.

Gutxi gorabeherako prezioa

500€

Ikastaroaren aurrez aurreko 4 saioetara joateko bidaia- eta ostatu-gastuak ez daude matrikularen prezioan sartuta; ikasle bakoitzak bere gain hartu beharko ditu.

Eskainitako plazak

30 plaza

MODALITATEA

Modalitate mistoa: presentziala eta online.

Saio presentzialak: Aurrez aurreko saioak ikastaroan zehar 4 aldiz egingo dira, batez ere Donostian, EHUko (Gipuzkoako Campusa) Elbira Zipitria Zentroan.
Saio horiek ostiral arratsaldetan eta larunbat goizetan egingo dira.

Online saioak astero egingo dira, asteazkenetan, 17:00etatik 20:30era (3,5 ordu).

Saio presentzial eta birtualez gain, parte-hartzaileei edukiak modu autonomoan lantzea eskatuko zaie ikastaro osoan zehar.

EBALUAZIOA

Ebaluazioa jarraitua izango da ikastaro osoan zehar, eta proposatutako dinamika desberdinetan parte-hartzea baloratuko da.

Ikasle bakoitzaren lan pertsonala ebaluatuko da, bere erronka indibiduala lantzean egindako lana eta ikastaroan izandako inplikazioa kontuan hartuta.

EGITARAUA

01/ Lankidetzazko gobernantza aurrehartzaileari sarrera

Helburu orokorra

Lankidetzazko gobernantza aurrehartzailearen ikuspegi orokorra eskuratzea, haren interpretazio, aplikazio, eredu eta egungo joera desberdinak barne hartuta, analisiaren dimentsio nagusiak eta lankidetza mota hau garatzeko beharra sortu den testuingurua barne.

Ikastaroaren funtzionamendu orokorra ulertzea eta ikastaro osoan zehar zeharka garatuko den erronken portfolioaren lanketa-dinamika hastea.

Eduki nagusiak

Lankidetzazko gobernantzari sarrera: definizioa / printzipioak / ikuspegi desberdinak / esparruak / gobernantza kolaboratibo eta aurrerakoiaren interpretazioak.
Gobernantza kolaboratiboa erronka konplexuei heltzeko.
Lankidetzazko gobernantzaren eta demokraziaren arteko lotura.
Testuinguruaren garrantzia: lankidetzazko gobernantza eta lurralde dimentsioa.
Lankidetzazko gobernantza aurrehartzailea aplikatu duten kasuen aurkezpenak.
Portfolio batean erronkak identifikatzea (komunitatea eta multzoak eraikitzea).

02/ Lankidetzako goberanatza aurrehartzailea inspiratzen eta sostengatzen dituzten esparruak eta ikuspegiak

Helburu orokorra

Lankidetzazko gobernantza aurrehartzaileko estrategiak inspiratzen eta bultzatzen dituzten berrikuntza-esparru eta ikuspegiak ezagutzea. Erronka kon lexuei aurre egiteko, erakundeak eraldatzeko, balio publikoa sortzeko eta demokrazia sendotzeko lankidetzazko gobernantza aurrehartzailearen garrantzia eta ekarpena ulertzea.

EDUKI NAGUSIAK

Lankidetzazko gobernantza aurrehartzailea eta berrikuntza publikoa: sektore publikoan politika eta politika publikoen kudeaketan berrikuntza sustatzeko esparru eta paradigma berriak.

Lankidetzazko gobernantza aurrehartzailea eta aktore anitzeko berrikuntza-plataformak: lankidetza konfigurazio desberdinak eta haien inplikazioak (aliantzak, berrikuntza sistemikoko plataformak, ekologiak, sareak, berrikuntza-ekosistemak).

Lankidetzazko gobernantza aurrehartzailea eta beste demokrazia-ereduekin duen harremana: demokrazia parte-hartzailea eta deliberatiboa. Deliberazioaren olatua.

GovTech estrategien sarrera; sortzen ari diren teknologiak eta parte-hartze demokratikorako plataforma digitalak.

Kasu-azterketak.

03/ Lankidetzazko gobernantza aurrehartzaileko prozesuak eraiki eta sostengatzeko berrikuntza-metodologiak eta tresnak

Helburu orokorra

Ikuspegi oso praktiko batekin, lankidetzazko gobernantza aurrehartzaileko logikan funtzionatzen duten ekimen eta politika publikoak kudeatzeko beharrezkoak diren lan egiteko modu berriak ezagutzea. Prozesu horiek kudeatzeko baliagarriak diren metodologia eta tresna multzo bat eskuratzea.

Funtsezko edukiak

Diseinuaren sarrera eta haren aplikazioa lankidetzazko gobernantza aurrehartzaileko prozesuetan.
Komunikazioa eta narrazio partekatuen eraikuntza.
Eszenarioen sorrera eta arriskuen ebaluazioa.
Mapeo- eta entzute-tresnak.
Gobernantza aurrerakoiaren praktika.
Ko-sorkuntza.
Esperimentazio-portfolioa.
Ebaluazio ebolutiboa.
Kasu-azterketak.

4/ Lankidetzazko gobernantza aurrehartzaileko ekimenen testuinguruan pertsonetan, erakundeetan eta sistemetan gertatzen diren aldaketak

Helburu orokorra

Lankidetzazko gobernantzak hainbat mailatan (banakakoa, antolaketakoa eta sistemikoa) dakartzan eraldaketak ulertzea. Maila horietan aldaketa kudeatzeko baliagarriak diren tresna eta metodologia multzo bat eskuratzea. Ikasleen ahalduntzean laguntzea, beren erakundeetan aldaketaren eragile gisa jardun dezaten.

EDUKI NAGUSIAK

Erakundeetan aldaketa kudeatzeko printzipioak.
Elkarrizketa-guneak sortzea.
Lankidetzetan rol desberdinak, agentzia eta boterea (boterearen kontzientzia).
Konpetentziak sortzeko espazioak eta metagobernantza-espazioak eraikitzea.
Lankidetzazko gobernantzaren testuinguruan banakako mailan behar diren profilak, ezagutzak, gaitasunak eta jarrerak. Erraztailearen profila.
Gatazken kudeaketa errazte-lanetan: balio desberdinak, egitura soziokognitibo desberdinak eta interes-gatazkak.
Eskalatzea eta aldaketa sistemikoa.
Genero-dimentsioa gobernantza kolaboratiboaren prozesuetan.
Banakako eraldaketaren esperientziak eta bizipenak.

MENTORIZATUTAKO ZEHARKAKO PROIEKTUA

Ikasle bakoitzak zeharkako proiektu bat (“landa-lana”) landuko du ikastaroan zehar, bere testuinguruko erronka batean oinarrituta.

Lan hau talde baten barruan egingo da, erraztaile edo laguntzaile diren pertsonen laguntzarekin; hauek erronken esplorazioa eta ezagutza kolektiboaren eraikuntza bultzatuko dituzte, taldeko gainerako kideekin elkarreraginean oinarrituta. Bai taldea bai erraztailea ikastaroaren hasieran esleituko dira, eta ikasle bakoitzari ikastaro osoan zehar lagunduko diote.

Helburu orokorra

Zeharkako blokea, ikasleak erronken esplorazioan eta ikaskuntzak praktikara eramaten laguntzeko mentorizazio eta laguntza. Prozesu hau ikaskuntza esperientzialeko dinamika kolektiboen bidez egituratuko da, banakako eta taldeko saioen bidez, eta pertsona, sare eta esperientzia inspiratzaileekin lotura eginez.

EDUKI NAGUSIAK

Ikastaroan eskuratutako gaitasunak integratu eta sendotzea, ikasleak aukeratutako erronka zehatz batean aplikatuz.
Lankidetza-izpiritua eta ikaskuntza gurutzatua sustatzea, erronken portfolio bat eraikitzera bideratuta.
Arloko eragileak, sareak, foroak eta komunitateak ezagutzea, praktika-komunitate bat ezartzea errazteko.