HIZTUNAK
Ainhoa Arrona Orkestra – Lehiakortasunerako Euskal Institutuko ikertzailea da. Deustu Fundazioa. Ikerketan egindako ibilbidearen aurretik, sektore pribatuan eta garapenerako nazioarteko lankidetzaren esparruan aritu zen. Bere ikerketa-interesak eta argitalpen akademikoak honako hauetan oinarritzen dira: lurralde-garapeneko estrategiak eta gobernantza, politika publikoak, ikerketaren eta politiken arteko elkarrekintza, eta ikerketa-ekintza. Politika publikoen garapen-arduradunekin lankidetzan garatu du bere ikerketa, batez ere, ikerketa- eta ekintza-prozesuetan Gipuzkoako Foru Aldundiarekin.
Ikus-entzunezko Komunikazioan lizentziaduna da (UCM), eta ibilbide luzea du ikus-entzunezkoen munduan; besteak beste, “Águila Roja” (Globomedia, TVErentzat) telesailetako zuzendaritza-laguntzailea izan da. Film luzeetan (‘Hablar’, ‘La española inglés’), dokumentaletan (‘Pobladores’, ‘Medieros’) eta sentsibilizazio-bideo ugaritan ere lan egin du. Ingurumenarekin eta gizarte-sektorearekin konprometituta dago eta duela zortzi urte hasi zen CIPÓ Companyn lanean, formatzaile gisa, ikus-entzunezko edukietarako gidoiak, sormen-kanpainetarako ideiak, sentsibilizazio-ekintzak eta sormenezko gizarte-komunikazioarekin zerikusia duen guztia garatzen.
Andrea Amaya Beltrán Rosarioko Unibertsitateko Nazioarteko Harremanetan, Kolonbian, eta Madrilgo Unibertsitate Politekniko eta Konplutentseko Garapenerako eta Nazioarteko Lankidetzarako Estrategia eta Teknologietako Unibertsitate arteko Masterreko profesionala da. 2017az geroztik, itdUPM Giza Garapenerako Teknologiaren Berrikuntza Zentroko taldean ari da lanean, eragile anitzeko aliantzak eta ekipoak errazteko, eta gizarte-berrikuntzako ekosistemak eta jasangarritasunerako trantsizioak katalizatzeko lankidetza-lanerako ikuspegiak sortzen laguntzen du.
ITDdUPMrekin bat egin aurretik, Kolonbiako Autoridad Marítima lan egin zuen, eskualdeko lankidetza koordinatuz konpromisoen jarraipenaren eta eskualdeko estatuen gaikuntzaren bidez, itsas gaiei buruzko nazioarteko itunak politika nazionaletan aholkatuz eta itzuliz. Kolonbiako Rosarioko Unibertsitateko Ikasketa Politiko eta Internazionalen Fakultatean ikertzaile eta irakasle laguntzailea izan da.
Ane Miren Valenciano Industria Diseinuko ingeniaria (-ELISAVA-)da, eta Produktu eta Zerbitzuen Diseinu Estrategikoa (Mondragon Unibertsitatea) eta Produktu eta Espazioen Diseinuan (UPC) masterrak burutu ditu. Bere ibilbide profesionalean gizarte berrikuntza proiektuen garapenean eta ikerketa-proiektuetan zein dozentzian (Mondragon Unibertsitatea) izan du fokua. Azken urteotan, Aratzazulab-eko gizarte berrikuntza proiektuen kudeaketan ibili da. Lankidetzako Gobernantza eta Demokraziaren berrikuntzako programen baitako hainbat egitasmo kudeatzeko ardurapean.
UPV/EHUko ikertzaile iraunkorra, irakasle osoaren akreditazioarekin. “Filosofia praktikoa: Erronka teknozientifikoak” eta “Gaur egungo demokraziaren arazoak” irakasgaiak ematen ditu. MITen U Teorian trebatua, unibertsitatea eta gizartea uztartzeko hainbat espazio mistoren sorreran parte hartu du. Hezkuntza, Filosofia eta Antropologia Fakultateko dekanordea 2017ra arte eta Gipuzkoako campuseko unibertsitate-hedakuntzarako zuzendaria 2021era arte. AKTIBA ikerketa taldearen ikertzaile nagusia da, Gipuzkoako Foru Aldundiarekin lankidetzan Gipuzkoa irudikatuz 2030 bezalako ikerketa-ekintza proiektuak sustatzen ditu, eta UPV/EHUren ekarpena koordinatzen du Arantzazulabeko ikerketa elkargunean.
Arantxa Bordeleko (Frantzia) Ikasketa Politikoen institutuan Zientzia Politikoetan lizentziatua da eta Edinburgoko Heriot-Watt Unibertsitateko Kultur Kudeaketan Masterra du.
Bere ibilbide profesionalaren lehen zatia gizarte-eraldaketarekin lotutako kultura-proiektuak diseinatzen eta kudeatzen eman du. 2019an Yago Bermejorekin batera sortu zuen Deliberativa. Harrezkero, deliberazio prozesuen kodiseinuan, inplementazioan eta hauen sustapenean dihardu.
Batez ere, tokiko, erkidegoko eta estatuko prozesuak garatzea interesatzen zaio, bere testuinguru sozial eta kulturalera egokitzen diren ereduak diseinatzen saiatuz.
Ernesto Ganuzarekin batera, La democracia es posible. Sorteo cívico y deliberación para rescatar el poder de la ciudadanía (2020, Ed. Consonni) liburuaren idazlea da.
FIDE – Federation for Innovation in Democracy Europe-ko Aholku Batzordeko kidea da.
Beatriz Novales Colado, Oxfam Intermon erakundeko Programen, Herritarren eta Gorabeheren arloko zuzendaria 2020ko uztailetik.
Industria ingeniaria naiz ikasketaz, eta gaitasunak eta esperientziak eskuratzen joan naiz kudeaketa publikoaren arloan nahiz politika publikoenean. Azken 18 urteetan, garapenerako nazioarteko lankidetza-politiketan lan egin dut bereziki. Nire lan ibilbidea sektore publikoaren (16 urte) eta garapenerako GKEen (8 urte) artean eraiki dut. AECIDen lan egin dut 11 urtez hainbat lanpostutan. 2016an, Oxfam Intermonen hasi nintzen lanean, eta hasieran, Afrikarako programen zuzendari aritu nintzen 2020ra arte.
Carlos Mataix industria ingeniaritzako doktorea da, eta irakasle titularra Madrilgo Unibertsitate Politeknikoko (UPM) Antolakuntza, Enpresen Administrazioa eta Estatistikako Ingeniaritza Sailean. Era berean, unibertsitate bereko Giza Garapenerako Teknologiaren Berrikuntza Zentroaren (itdUPM) zuzendaria naiz.
itdUPMn lanean hasi aurretik, ibilbide luzea egin zuen garapenerako nazioarteko lankidetzaren arloan. Ingeniaria sin Fronteras GKEren (orain, ONGAWA) sortzailekidea izan zen, bai eta Garapenerako GKEren Espainiako Koordinakundearen presidenteordea ere. 2008an Kanpo Arazoetako eta Lankidetzako Ministerioaren Nazioarteko Lankidetzarako Espainiako Agentzia (AECID) zuzendariaren aholkuari izendatu zuten. Zeregin hori amaitzean, MAECeko Garapenerako Lankidetzako Kontseiluko kide aditu izendatu zuten, eta gaur egun, kargu horretan jarraitzen du.
Gaur-gaurkoz, zenbait enpresa eta gizarte erakundeko aholkularia da. Berrikuntzarako COTEC fundazioko Los 100 de COTEC aditu taldeko kidea da, eta El Día Después elkartearen presidentea. Diecisiete aldizkaria zuzentzen du. Argitalpen hori diziplinartekoa da, eta jasangarritasunaren arloko ikerketa zabaltzea du xede.
Gaur egun, eragile anitzeko taldeak eta aliantzak errazten ditu (esparru publikoa, pribatua, akademikoa eta gizarte zibila), eta lankidetza eta koordinazio handiko inguruneak sustatzen ditu, erronka konplexuei aurre egiteko. Berrikuntza sozialeko proiektuetan, ko-sorkuntzako tresnak, komunitateen entzute prozesuetan eta, proiektu-porfolio ikuspegia eta ebaluazio ebolutiboan du esperientzia.
Zuzenbidean graduatua, Zuzenbidearen Analisi Ekonomikoan Masterra eta UPM/UCMko Garapenerako Estrategia eta Teknologietan Masterra. Gainera, bitartekaritzan graduatu da, gatazken konponbiderako bitarteko gisa. Agile coach and team facilitator bezala ziurtatua. Aurretik, PNUD, BID (Garapenerako Banku Interamerikarra), BIRF (Munduko Bankua), CAF eta FONPLATA proiektuen garapenean, kudeaketan eta ebaluazioan esperientzia du. Horrez gain, arlo publikoko lege-aholkularia da informazioa eskuratzeari, enpresei eta GKEei dagokienez.
Politologoa naiz, eta doktorea Zaragozako Unibertsitatea. Soziologiako eskolak ematen ditut unibertsitate horretan. Nire intereseko arloak jasangarritasuna eta kalitate demokratikoa dira, eta, bereziki, trantsizio ekologikorako gobernantza. Gai hori lantzen dut ikerketa zentroetan (Globernance, BC3 eta itdUPM) edo patronatuetan (Ecodes eta Fundesplai).
Llorente y Cuenca enpresaren eta Ethic aldizkariaren aholkularitza kontseiluko kidea naiz. 2018az geroztik, Gobernu Irekiaren Foroan parte hartzen dut, 2019az geroztik Garapenerako Lankidetzaren Aholkularitza Kontseiluan, eta sortu zenetik, Espainiako Gobernuaren presidentetzako kontuak emateko proiektuaren aholkularitza talde metodologikoan («Cumpliendo»).
15M: Un movimiento político para democratizar la sociedad (2017) idatzi dut, eta Tras la indignación. 15M: Miradas desde el presente (2021) obra kolektiboa koordinatu dut. Raúl Olivánekin batera, Hackear la Política (2018) idatzi dut, eta JJ Verónekin batera, berriz, La Iniciativa Social de Mediación de los conflictos del agua en Aragón (2019). Halaber, Más Cultura Política, Más Democracia bildumaren editorea naiz, Gedisarekin lankidetzan, eta Más Democracia elkartearen buru izateko ohorea daukat.
David Pastor-Escuredo Madrilgo Unibertsitate Politeknikoko Doktorea da. LifeD Lab-en sortzailea eta CEO. United Nations Global Pulse eta World Food Programme-ko bazkide ikertzailea da. UN Global Pulse Lab Jakartako aholkulari zientifikoa ere izan da. Data scientist lider gisa lan egin du UNICEF eta UNHCRrentzat 2016tik. Orangeko Data 4 Development-eko ikertzaile nagusia izan zen. 2015etik 2021era, garapenerako Big Data proiektuen buru izan da UPMn, itdUPMtik, eta MITen laguntzaile izan da Hiri Jasangarrietan, Adimen Kolektiboan, AIn eta Data Sciencen. Ondoren, UCL UK-ko Berrikuntza eta EI-ko ekosistemako liderra izan da, Governance eta Policy-ko proiektuen buru izan da, eta AI-ren aplikazioak ere izan ditu sistema sozialen hainbat esparrutan. Gaur egun, UN University Institute in Macau-ko AI Sareko ikerketa-liderra da. CNRSko, ISC-PIF Parisko Sistema Konplexuen Institutuko, San Diego UCko eta University of Washingtoneko ikertzaile asoziatua ere izan da 2008tik. Gaur egun, EIT Health eta MITeko Fellow da berrikuntza eta ikerketa digital biomedikoan eta Healthtech ikerketan, eta EIT Health 2020ko Rising Star-eko kidea da.
Giza Zientzietan lizentziatua Mondragon Unibertsitatean. Egun Debagoiena 2030, garapen iraunkorrerako sarearen koordinatzaile orokorra Gizabidea Fundazioan. Aurretik, gizarte arloko hainbat erakundeetako koordinatzaile eta proiektu arduradun gisa aritua: Bagara Herrigintzan, Garabide, Garaion eta Txatxilipurdi Elkartean.
MBR Center for Government Innovation-en aholkularia da Arabiar Emirerri Batuetan, eta Aukeren Ministerioa habiatzen ari da han. Aurretik, Berrikuntza Estrategikoko buru izan zen NBGPn, eta proiektuen karteretan oinarritutako berrikuntzaren ikuspegirako trantsizioa zuzendu zuen. Bere ibilbidean, besteak beste, Climate-KIC, Nesta, Munduko Bankua eta Pulse Lab Jakarta erakundeetan izan da. Giulio MITeko ikertzaile afiliatua da Lead User Innovationi buruz, eta University College Londoneko Institute for Innovation and Public Purpose-ko ohorezko kidea.
Igor Ahedo Gurrutxaga Euskal Herriko Unibertsitateko irakasle akreditatua eta Eusko Jaurlaritzako Talde Bateratuko Parte Hartuz taldeko ikertzaile nagusia da. Gizartea, Politika eta Kultura doktorego programaren koordinatzailea eta EHUko Irakaskuntza Ebaluaziorako Batzordeko kidea da. Unibertsitate Ministerioan eta ANECAn aholkularitza lanak burutu ditu unibertsitate sistemaren azken lege erreformetan. Herritarren parte-hartzeari eta ekintza komunitarioari buruzko 30 ikerketa-proiektu koordinatu ditu, eta 5 hizkuntzatan argitaratutako 50 artikulu eta 7 liburu idatzi ditu. Irakaskuntza-bikaintasunaren aintzatespena du.
Profesionalki, esperientziak izan ditu zenbait erakunde eta herrialdetan (hala nola Italia, Belgika, Alemania, Australia eta Espainia). The Australian Centre For Social Innovation zentroan lan egin zuen; han, zenbait ekimenen buru izan zen eta ezarri zituen Australiako Gobernuarekin eta GKEekin batera, zerbitzuak elkarrekin diseinatuz.
Ondoren,, Agirre Lehendakaria Center zentroko taldean hasi zen lanean, eta Euskadiko gizarte eraldaketaren arrakasta kasua oinarri hartuta, zentroko metodologia aplikatu zuen sistemak aldatzeko.
Gaur-gaurkoz, Arantzazulabeko proiektu arduraduna da. Erakunde horretan, Berrikuntza Demokratikoko ekimenak diseinatzen eta koordinatzen ditu eta horietan parte hartzen du. Bere jardueraren ardatza honako hauek dira: aldaketa sistemikoa, berrikuntza ekosistemen aktibazioa, gobernantza kolaboratiboa eta demokrazia deliberatiboa.
Industria Diseinuko Ingeniari Teknikoa da ikasketaz (Mondragon Unibertsitatea), eta Produktuaren Diseinuko masterra egin zuen Milango Eskola Politeknikoan.
Irene arkitektoa da eta antolakuntzako ingeniaritzan doktorea Madrilgo Unibertsitate Politeknikoan. Bere ikerketa gizabanakoen zein erakundeen lankidetza gaitasunak indartzen dituzten baldintzetan oinarritzen da. 2017 eta 2024 artean, Giza Garapenerako Teknologiaren Berrikuntza Zentroko (itdUPM) taldeko kide izan da, eta aldaketa, ikaskuntza eta eragile anitzeko lankidetza kudeatzeko prozesuak erraztu ditu, jasangarritasunerako trantsizio bidezkoak bereziki azpimarratuz. Berrikuntza-proiektuen kudeatzaile eta antolaketa-zuzendari gisa aritu da, eta profesionalentzako hitzaldi eta ikastaro ugari eman ditu, gehienak sektore publikoan eta sozialean. 2024ko irailetik, Atelier itd-en, berrikuntza-proiektuen portfolio baten laguntza eskaintzen du, Madrilgo hirian bidezko trantsizio klimatikoa bultzatzeko.
Isabel Ortiz Marcos Industria Ingeniaritzako doktorea da Madrilgo Unibertsitate Politeknikoan. Proiektuen zuzendaritzaren arloan ikertzen eta irakasten du, bereziki proiektuen zuzendaritzako gaitasunak (lidergoa eta talde lana, besteak beste). 2020az geroztik, UPMko Lidergoa eta Teknologia Zentroaren zuzendaria da.
Itziar Moreno Agirre Lehendakaria Centerreko kozuzendaria da, UPV-EHU-Euskampus eta Columbiako Unibertsitatearen (AC4) arteko lankidetza ekimena. ALC eskala handiko berrikuntza sozialeko prozesuen diseinuan, ezarpenean eta ebaluazioan espezializatzen da, hainbat erakunderekin lankidetzan (PNUD, EIT-Climate KIC, OIT, IDB, FLC, Eusko Jaurlaritza eta beste erakunde akademiko eta sozial batzuk). Itziarrek zentroko lan digitala zuzentzen du, pertzepzio sozialak aztertzeko eta sistema konplexuaren ikuspegitik ekimenak elkarrekin sortzen laguntzeko azpiegitura digitalak sortzean zentratuta. ALCko programa guztien kalitatea ebaluatzen du eta K aldizkaria zuzentzen du.
Itziar Salaberria UGGASA Garapen Agentziako zuzendari-gerentea da 2004 urtetik, non eskualdeko Lehiakortasun Estrategiak gidatuta, bere zeregin nagusia eskualdeko eragileak eta baliabideak norabide berean dinamizatzea izan da.
Aurretik, ekintzailetza-proiektuak sustatu eta bideratu zituen agentzian bertan.
Bestalde, azken 12 urteetan GARAPENeko Zuzendaritza Batzordeko kide izan Ordezkaritza honen zereginen baitan, Gipuzkoako Foru Aldundiaren hainbat zuzendaritzekin ko-diseinatu den harremantze eredu berrian parte-hartze aktiboa nabarmentzen da.
Enpresen administrazio eta zuzendaritzan lizentziaduna da Euskal Herriko Unibertsitatean, finantza espezialitatean, eta Msc in Global Marketing Staffordshireko Unibertsitatean, Marketin Industrialeko espezialitatean.
Proiektuen kudeaketako eta berrikuntzako ingeniari doktorea da, eta zientzia politiketako ikasketak ditu. Unibertsitateko irakasle titularra da Valentziako Unibertsitate Politikoan. Bere ikerketa hirien jasangarritasuneranzko trantsizioen azterketan oinarritu da, eta plangintza, berrikuntza eta gobernantza prozesuetan jarri du arreta. Ikerketa, berez, hiriaren eraldaketan aurrera egiteko potentziala duen prozesu gisa ulertzen du, ikerketa-ekintza dinamiken bidez eta ezagutzaren baterako ekoizpenaren bidez, askotariko eragileen arteko elkarrizketaren, gogoeta zaletasunaren eta ikaskuntzaren bidez. Bere irakaskuntza nagusia garapen prozesuekin, proiektuen diseinu eta kudeaketarekin, eta ikerketako metodologia kualitatiboekin lotutako gaiei buruzkoa izan da.
Valentziako Udaleko Alkatetza Kabineteko Hiri Estrategien eta Agenda Jasangarriaren koordinatzaile nagusia izan da, eta erantzukizun zuzena izan du Valencia 2030 Hiri Estrategian, Valentziako 2030 Misio Klimatikoan, 2024ko Europako Hiriburu Berdean eta EU Next Generation funtsak bideratzean. Aurrez, Valentziako Udaleko II. alkateordea izan zen Nauren Gobernuan, bai eta herritarren partaidetzako, berrikuntzako eta klima aldaketako zinegotzi arduraduna ere. Era berean, LAS NAVES fundazioko, Valentzia hiriko hiri berrikuntzarako zentroko eta Clima y Energía fundazioko lehendakariordea izan zen.
Madrilgo Unibertsitate Konplutentsean Zientzia Kimikoetan lizentziaduna, Madrilgo Udaleko Ingurumen Arloan egin du lan, eta hiriko ingurumen-kudeaketarekin eta kontrolarekin lotutako hainbat postu bete ditu. Gaur egun, Energia eta Klima Aldaketaren zuzendariorde gisa ari da lanean. Zerbitzu horren jarduera-ildoen artean, nabarmentzekoak dira klima-aldaketari aurre egiteko udal-ildo estrategikoen garapena eta, bereziki, Madrilgo hiriaren klima-neutraltasunerako ibilbide-orria. Arintze- eta egokitze-neurriak ez ezik, monitorizazio-tresnak ere biltzen ditu, hala nola atmosferara egindako emisio poluitzaileen inbentarioa eta Madrilgo udalerriaren energia-balantzea. Energiaren eta Klima Aldaketaren Zuzendariordetza ere arduratzen da Madrilgo hiriak nazioarteko foro eta sareetan dituen konpromisoez eta parte-hartzeaz, hala nola Hiri Klimatikoki Neutroen Europako Misioan, Alkateen Itunean edo Lidergo Klimatikoaren C40 sarean.
Julio Lumbreras Industria Ingeniaritzako doktorea da Madrilgo Unibertsitate Politeknikoan (UPM) eta Kudeaketa Publikoko masterra Harvardeko Unibertsitatean (EE.UU). Irakaslea da Madrilgo Unibertsitate Politeknikoan eta Harvardeko Unibertsitatean, eta Sustainable Cities ikasgaia ematen du.
Airearen kalitatearekin eta klima-aldaketarekin lotutako 80 ikerketa-proiektutan baino gehiagotan lan egin du. Interes nagusia hiriak leku osasungarriago, jasangarriago eta bizi-kalitate hobeagokoak bihurtzea da, emisioak murriztuz, klimaren aldetik neutroak izateko. Goi-mailako hezkuntza eraldatzen laguntzea ere interesatzen zaio, gizarte-arazoei erantzun hobea eman diezaien, trebakuntzarako eta ikerketarako gune gisa jardunez, baina baita sektore pribatuarekin eta gizarte zibilarekin lankidetzan aritzeko gune gisa ere. Bereziki, unibertsitateak hiri eraldaketarako eragile giltzarri bihurtzeko lanean ari da.
90 artikulu zientifiko baino gehiagoren eta liburuen kapituluen egilekidea da jasangarritasunari eta klima-aldaketari buruzko nazioarteko aldizkari nagusietan. Gainera, “Journal on Frontiers in Sustainable Cities” aldizkariko editore elkartearen kide da. Europako Batzordeko Mission Board for Climate- neutral and smart cities delakoaren kide izan da, eta, gaur egun, misioa Espainian ezartzeko prozesuaren buru da, Klimaren aldetik Neutroak diren Hirien Espainiako Plataformaren (citiES 2030) zuzendari gisa, eta Europako Plataformaren (NetZeroCities) batzorde estrategikoko eta zuzendaritza-batzordeko kide da.
Leda Stott aliantza eta eragile anitzeko lankidetzako nazioarteko espezialista da. Gizarte politiketako doktorea da Edinburgoko Unibertsitatean, 25 urte baino gehiago daramatza sektore publikoko, sektore pribatuko eta gizarte zibileko eragileen arteko lankidetzak sustatzen, kudeatzen eta ebaluatzen. Aliantzetako aditua da Europako Batzordearentzat, eta aliantzetako ikerketa eta prestakuntza jarduerak zuzendu ditu hainbat erakunderentzat (hala nola Munduko Bankua, Nazio Batuak, Garapenerako Banku Interamerikarra, Osasunaren Erakunde Panamerikarra), bai eta garapenerako aldebiko agentzientzat, enpresentzat eta gobernuz kanpoko erakundeentzat ere. Atelier itd fundazioaren burua da, eta Madrilgo Unibertsitate Politeknikoko (itdUPM) Giza Garapenerako Teknologiaren Berrikuntza Zentroko eta Partnership Brokers (PBA) elkarteko kide da. Aliantzaren arloko lanari buruzko hainbat argitalpenen egilea da; besteak beste, hauena: Partnership and Transformation: The promise of multi-stakeholder collaboration in context (2022) eta Shaping Sustainable Change: The role of partnership brokering in optimising collaborative action (2018).
Industria Ingeniaritzako doktorea da Madrilgo Unibertsitate Politeknikoan, Industria Antolakuntzako espezialitatean. Professional Certified Coach ere bada, International Coach Federation (ICF) erakundearen eskutik.
Jarduera eta Giza Faktoreen arloko esperientzia dauka 2007az geroztik, honako zeregin hauek egiten: giza jarduera ebaluatzeko eta hobetzeko prozesuak garatzea, gaitzea, kudeaketa sistemak ezartzea, barne ikuskaritzak egitea, segurtasun azterketak egitea, pertsonen arteko trebetasunetako prestakuntza eta coaching exekutiboa eta taldeena.
Gaur egun, coaching pertsonal eta exekutiboko jarduerak, pertsonen arteko trebetasunetako prestakuntza eta irakaskuntza eta ikerketa uztartzen ditu Madrilgo Industria Ingeniarien Eskolan, eta bere ikerketa ildo nagusia Proiektuen Zuzendaritzarako gaitasunak hobetzea da.
Miguel Soberon Antolakuntza Ingeniaritzako doktorea da Madrilgo Unibertsitate Politeknikoan eta Garapenerako Estrategia eta Teknologietako Masterra du Madrilgo Unibertsitate Konplutentsean eta Madrilgo Unibertsitate Politeknikoan. Atelier itd fundazioko zuzendaria da. Hainbat argitalpen egin ditu zientzia- eta dibulgazio-aldizkarietan, erakunde bitartekariek jasangarritasunerako trantsizioen gobernantzan duten zereginari buruz. Miguel El Día Después elkarteko Zuzendaritza Batzordeko kidea da, eta Afganistango Emakumeen Elkarteko Aholku Batzordeko kidea Espainian. Aurretik, Miguel 8 urtez aritu da Madrilgo Unibertsitate Politeknikoko (itdUPM) Giza Garapenerako Teknologiaren Berrikuntza Zentroko (itdUPM) bideratzaile, proiektu-koordinatzaile eta antolakuntza-zuzendari gisa.
Miren Larrea, Orkestrako ikertzaile seniorra, ikerketako laguntzaile gisa hasi zen Deustuko Unibertsitatean. Bertan egin zuen doktorego tesia, Euskal Autonomia Erkidegoko tokiko ekoizpen sistemei buruz. Irakaskuntzan eta ikerketan hamarkada bat aritu ondoren, sei urtez lan egin zuen tokiko garapen agentzia batean. Bertan, lurralde garapeneko lan praktikoa eta Unibertsitateko ikerketa uztartu ahal izan zituen.
Garai horren ondoren, Orkestra-Lehiakortasunerako Euskal Institutuan hasi zen lanean, ikertzaile senior, lurralde garapenaren inguruko ikerketa eta praktika uztartuko zituen ikerketako hurbilpena lantzeko asmoz.
Gaur egun, bere lanaren muina herri politiken arduradunekin ikerketa-ekintza prozesuak erraztea da, lurralde garapenean partaidetzako ikuspegiak sortzeko. Enpresen Administrazio eta Zuzendaritzako lizentziaduna da eta Ekonomia Zientzietan doktorea, Deustuko Unibertsitatean.
Larreak hainbat artikulu argitaratu ditu nazioarteko aldizkarietan eta liburuetan, gai hauen inguruan: lurralde garapenerako sareak, tokiko garapen agentziak, gobernantza, politiken ikaskuntza (policy learning) eta ikerketa-ekintza lurralde garapenerako estrategia gisa.
Naiara Goia Imaz Arantzazulab-eko Zuzendari Nagusia da gaur egun. Arantzazulab demokraziaren berrikuntzarako laborategia da, eta lankidetzazko gobernantzako erreferentziazko zentroa Euskadin; laborategia diseinaitzeko, abian jartzeko eta garatzeko ardura du, 2020ko urritik. Berrikuntzan aditua, 20 urteko esperientzia dauka gurean eta nazioarte mailan proiektu publiko-pribatu estrategiko konplexuen zuzendaritzan. Arantzazulab-en hasi aurretik, MONDRAGON Korporazioan lan egin zuen hainbat urtez, berrikuntza teknologiko eta sozialeko estrategiak bultzatzen, kooperatiba-sarean enpresen eraldaketara bideratutako hainbat ekimen gidatu zituelarik. Demokraziaren berrikuntza, sareko lana sustatzea eta gobernantzaren eraldaketa sistemikorako estrategien eraikuntza dira bere interesetako batzuk eta bere lanaren oinarria. Lankidetzazko Gobernantza prozesuetan generoaren dimentsioak duen eraginean sakontzea da bere beste interesetako bat, batez ere harreman sareen eraikuntzan eta lidergo-moduetan duen eragina agerian jarriz.
Euskal Herriaren erronkei buruzko gogoeta gune ezberdinetan parte hartzen du, eta unibertsitate ezberdinekin kolaboratzen du, baita ere, hizlari eta irakasle gisa.
Naiarak Telekomunikazio Ingeniaritzan goi-mailako titulua du (UPV/EHU – ENST Bretagne) eta Enpresen zuzendaritza eta kudeaketako MBA baten jabe da. Modu osagarrian, bere ibilbide profesionalean zehar formakuntza ezberdinak jaso ditu, Gobernantza ireki eta kolaboratiboan (UNED), Lidergoan, Komunikazio publikoan, Berrikuntzan eta Prozesuen ebaluazioan, batzuk aipatzearren.
Ikus-entzunezko komunikatzailea (UCM) eta antropologoa (UNED), gizarte aldaketarako komunikazioan aditua da. 20 urte baino gehiagoko esperientzia du komunikazioaren esparruan, bekadun eta boluntario izatetik dircom izatera bitarteko postuetan, Europako proiektuen komunikazioa koordinatuz. Komunikabideetan (La Sexta, Canal Parlamento, Ethic), irabazi-asmorik gabeko erakundeen komunikazioan (Green Building Council España, Cultura en Vena, Cruz Roja Española, Entreculturas, Survival International) eta Repsol eta Triodos Bank enpresen komunikazioan lan egin du. 2019az geroztik, freelance komunikazio-aholkulari gisa lan egiten du, modu independentean eta komunikazio-agentziekin lankidetzan, CIPÓ Company bezala, kanpainak eta komunikazio-ekintzak garatzen eta zenbait ikastaroren prestatzaile gisa.
Sebastian Zurutuza Ekonomia eta Enpresa Zientzietan lizentziaduna eta EHUko Herri-administrazioko unibertsitateko espezialista da. 2015etik, Gipuzkoako Foru Aldundiko Estrategia zuzendari nagusia da. Aurretik, Erakundeekiko Konpromisoen Zerbitzuko burua, Kupoaren eta Ekarpen Finantzarioen Atalburua eta Gipuzkoako Foru Aldundiko ekonomialaria zein Lanbide Heziketako irakaslea izan da.
Kazetaria eta eragile anitzeko lankidetzen bideratzailea. Madrilgo Unibertsitate Politeknikoko (itdUPM) Giza Garapenerako Teknologiaren Berrikuntza Zentroko komunikazio-arduraduna. Zentro interdisziplinarra da, eta ikerketaren, irakaskuntzaren eta ikasleen alorreko pertsonak biltzen ditu, jasangarritasunaren erronka konplexuei aurre egiteko eta irtenbide praktikoak elkarrekin sortzeko. Enpresekin, erakunde publikoekin, gizarte zibileko erakundeekin eta beste hezkuntza-erakunde batzuekin lankidetzan egiten du. DIECISIETE aldizkariko editore taldeko, Civilización Global aldizkariko eta Systems Innovation Madrid Hub ekimenaren bultzatzaile taldeko kidea. Lankidetza-testuinguruak sortzen laguntzen du, askotariko erakundeek eraldaketa iraunkorreko helburu komunak lor ditzaten, eta aldaketa sistemikoak bultzatzeko gai diren narratibak elkarrekin sor ditzaten. Informazioaren eta Komunikazioaren Teknologiekin ikertzen eta esperimentatzen du, herritarrekiko elkarrekintzan, parte-hartze irekian eta berrikuntzan oinarritutako komunikazioa garatzeko, errealitate konplexuetan irtenbideak bilatzeko.
Susana inpaktu sozialaren eta harreman instituzionalen arduraduna da Berrikuntzarako Cotec Fundazioan. Cotec-en egiten duen lana honela laburbil daiteke: pertsonak eta erakundeak konektatzea, aliantza eraldatzaileak sortzeko eta berrikuntzaren inpaktu soziala bultzatzeko. Nazioarteko erakundeetan, hirugarren sektorean eta administrazio publikoan lan egin du hainbat herrialdetan, gobernantza demokratikoari, jasangarritasunari, hezkuntzari eta abarri buruzko nazioarteko proiektuak bultzatuz. Susana Acumen Fellow-a da, Aspen Institute alumni, Lidergoa & Berrikuntza Soziala graduondokoa ESADE, Licda. ikus-entzunezko komunikazioan, eta, batez ere, gizarte bidezkoagoetara, berdintasunezkoagoetara eta jasangarriagoetara aldaketa sistemikoak bultzatzeko berrikuntzak duen ahalmenaren aldeko jarrera sutsua duena.
Madrilgo Unibertsitate Politeknikoko Industria Ingeniarien Goi Eskola Teknikoko irakaslea da 2016az geroztik. Erakunde jasangarrien ikertaldeko kidea da, eta «Osasun prozesuetako eta teknologietako berrikuntza» katedraren zuzendaria 2020. urtetik. Aurretik, erantzukizuneko hainbat postu bete zituen 10 urtez hainbat erakundetan, unibertsitate arloko kalitatearen eta egiaztapenaren arloan (ANECA-Espainia; CTI-Frantzia; ENQA-Belgika). Egun, Espainiako eta beste herrialde batzuetako kalitate agentziekin (UNIBASQ, AQU-Catalunya, AVAP, ACCUEE, CTI-Frantzia, ENQA-Belgika) lankidetzan jarraitzen du, aditu edo aholku batzordeetako kide gisa. Gaur egun, ikerketa eta irakaskuntza arlo nagusi hauek ditu: lankidetza eta erakunde jasangarriak, osasun sektoreko prozesuen hobekuntza eta unibertsitate arloko kalitatea.
UPV/EHUko (2023) Politika Zientzia eta Kudeaketa Publikoko Doktorea, berdintasun-politika publikoetan intersekzionalitatearen nola hasi zen aztertzen duen tesiarekin. Hainbat proiektutan aritu da lankidetzan oinarritutako parte-hartze eta gobernantzaren arloan, eta gaur egun irakaslea da EHUko Politika eta Administrazio Zientzia Sailean. Feminismoak, intersekzionalitatea eta ekintza publikoarekin dituen elkarrizketak interesatzen zaizkio. Parte Hartuz ikerketa taldeko kidea da.
Xabi Murua, Osoigo enpresaren sortzaileetako bat. Osoigo govtech sektoreko enpresa bat da, eta hainbat eremu eta sektoretan herritarren parte-hartzea sustatzeko teknologia eta metodologia garatzen ditu. Dozenaka proiektu diseinatu eta garatu ditu administrazio publiko, enpresa eta erakundeentzat, Osoigo gidatzen daramatzan 7 urteetan. Horrez gain, Mondragon Unibertsitateko irakasle atxikia eta ekonomia eta enpresaren inguruko hedabideetako kolaboratzailea da.
Xabier Barandiaran Irastorza Deustuko Unibertsitateko Soziologia eta Politika Zientzietako lizentziatua eta Soziologiako doktorea da. Gaur egun, Deustuko Unibertsitateko Gizarte eta Giza Zientzietako Departamentuko irakasle titularra da, eta Donostiako campusean irakasten du. Komunikazioko eta Gizarte Laneko Graduetan irakasten du. Zehazki, irakasgai hauek ematen ditu:-Erakundeen komunikazio korporatiboa, Komunikazioko Graduan.-Enpresaren komunikazio estrategikoa, Komunikazioko Graduan.-Soziologia, Gizarte Laneko Graduan.-Gizarte ikerketarako metodologia eta teknikak. Argitalpenetan berrikuntza politikoa, gobernantza eta gizarte kapitala jorratzen ditu bereziki. Komunikazioko ikerketa taldeko kidea da. Bestalde, euskal erakundeetan eta Euzko Alderdi Jeltzalean garatu du bere ibilbide politikoa, eta hainbat kargu izan ditu azken bi hamarkadetan. Besteak beste, Gipuzkoako Diputatu Nagusiaren Kabineteko burua (2007-2011 eta 2015-2019) eta Gipuzkoako Diputatu Nagusiaren Aholkularia (2019-2023) izan zen. Aldi horietan, Gipuzkoako Foru Aldundiaren Etorkizuna Eraikiz estrategia aitzindaria bultzatu eta gidatu zuen. Ekimen honek, lankidetzazko gobernantza eredu berri bat proposatzen du politika eta politika publikoen kudeaketaren berrikuntzarako, balio publikoa sortzeko eta demokrazia sendotzeko.
Xabier E. Barandiaran zientzia biologikoetan, kognitiboetan eta sozialetan espezializatutako filosofoa da, eta sistema konplexuetan eta simulazioan du bere fokua. Gaur egun, UPV/EHUko irakasle titularra da, eta MBA «Philosophy: Zientzia, Gizartea, Teknologia» zentroko zuzendaria. Filosofian lizentziatua (Deustuko Unibertsitatea), MSc titulua du Sistema Ebolutiboetan (Sussex-eko Unibertsitatea) eta doktoretza Zientziaren Filosofian eta Sistema Kognitiboetan. Konrad Lorenz Institutuan eta CNRS-Ecole Polytechnique-n ikertzailea izan da. 2016 eta 2018 artean, Bartzelonako Udaleko I+G koordinatzailea izan zen, eta decidim.org demokrazia parte-hartzailerako plataforma sortu zuen. Sensorimotor Life (OUP, 2017) eta Decim (Springer, 2024) liburuen egilea da, 50 argitalpen akademiko baino gehiagoz gain. Bere ikergaien artean, autonomia biologiko eta soziala, intentzionalitate aktiboa, teknopolitikoa eta sistema sozioekologikoak daude.
Politologoa eta kazetaria. Fundaciones por el Clima-ko koordinatzailea (Espainiako Fundazioen Elkartea), fundazioen sektorea mobilizatzeko ekimena, klima-aldaketari zeharkako gizarte-erronka gisa heltzeko. Madrilgo Unibertsitate Politeknikoko Giza Garapenerako Teknologiaren Berrikuntza Zentroko (itdUPM) integrazio-taldeko kidea. Komunikazioko berrikuntza-prozesuetan, narratiba berrietan eta klima-aldaketan aholkularitzak eta prestakuntza egiten ditu hainbat erakunde eta aholkularitzarentzat. Aurretik, hainbat gizarte erakundetan, aliantzatan eta hedabidetan egin du lan. Informazioaren eta Komunikazioaren Teknologiekin ikertzen eta esperimentatzen du, herritarrekiko elkarrekintzan, parte-hartze irekian eta berrikuntzan oinarritutako komunikazioa garatzeko, errealitate konplexuetan irtenbideak bilatzeko.